Нов Завет

Ефесјаните 2:1-13 Свето Писмо: Стандардна Библија 2006 (MK2006D)

1. И вас, кои бевте мртви поради ва­шите престапи и гревови,

2. во кои живеевте некогаш според животот на овој свет, согласно со кнезот на воздухот, односно на духот, кој сега дејствува во синовите на неверието,

3. меѓу кои и ние сите некогаш живе­евме според телесните желби, из­вр­шу­вајќи ги похотите на телото и на по­мис­лите, и по природа бевме како и дру­ги­те, чеда на гневот.

4. Но Бог, Кој е богат со милост, поради големата Негова љубов, со која нѐ за­сака,

5. иако бевме мртви поради гревовите наши, нѐ оживеа во Христа,

6. и нѐ воскресна со Него и нѐ постави на небесата во Христос Исус,

7. за да им го покаже на идните векови преизобилното богатство на Својата благодат во добрина кон нас преку Христос Исус.

8. Зашто по благодат сте спасени пре­ку верата; и тоа не е од вас – туку дар Божји!

9. Не е од дела, за да не се пофали не­кој.

10. Зашто ние сме Негова творба, создадени во Христос Исус за добри дела што Бог ги предодредил уште од порано да живееме во нив.

11. Затоа помнете, вие, кои некогаш по тело бевте незнабошци, и наречени не­обрезани од таканаречените обрезани со телесно обрезание, правено со раце,

12. дека во она време бевте без Хрис­та, отстранети од општеството на Из­раил, без право на учество во заветите на ветеното, без надеж и безбожници во светот;

13. но сега, во Христос Исус, вие, кои некогаш бевте далеку, станавте блиски преку крвта Христова.

Прочитајте целосна глава Ефесјаните 2