Нов Завет

Колосјаните 1:15-22 Динамичен превод на Новиот завет на македонски јазик (MNT)

15. Христос е видлива слика на невидливиот Бог. Тој постоеше уште кога Бог ништо не беше создал.

16. Преку Христос Бог ги создаде сите нешта и на небото и на Земјата: тоа што се гледа и тоа што не се гледа, сите престоли и власти, сите владетели и властодршци, се беше создадено преку Него и за Него.

17. Тој постои пред се и ги одржува сите нешта.

18. Христос е глава на Црквата, која е Негово тело. Тој е Почетокот, прв што воскресна од мртвите,

19. зашто Бог одбра во Него во целост да се всели Божјата природа

20. и преку Него да ги помири со Себе сите, било да се на Земјата, или на небото, воспоставувајќи мир преку Својата крв, пролеана на крстот.

21. Тоа ве вклучува и вас што порано бевте отуѓени од Бог и Му бевте непријатели, и во мислите и на дело.

22. Сега, преку телесната смрт на Неговиот Син, Тој ве помири со Себе. Затоа Христос ќе ве претстави пред Бог како свети, непорочни и беспрекорни.

Прочитајте целосна глава Колосјаните 1