1. Мојсеј го свика сиот Израел па им рече: „Чуј ги, Израеле, наредбите и заповедите што ви ги кажувам денес во вашите уши! Научете ги и пазете ги, и вршете ги.
2. Господ, нашиот Бог, склучи со нас Завет на Хорив.
3. Господ не го склучи тој Завет со нашите татковци, туку токму со сите нас, кои сме живи денес, тука.
4. Господ зборуваше со вас лице во лице на гората, од средината на огнот.
5. Во тоа време јас стоев меѓу Господа и вас, за да ви ги известам Господовите зборови, зашто вие не сакавте, заради стравот од огнот, да се искачите на гората. Тогаш рече:
6. ‘Јас Сум Господ, твој Бог, Кој те изведе од Египетската Земја, од домот на ропството.
7. Да немаш други богови покрај Мене!