15. Ќе Ти принесам паленици од мрсно, со мирис на овни, ќе жртвувам волови и јариња.
16. Дојдете, чујте, сите, што се боите од Бога, ќе ви раскажувам што и направи на мојата душа!
17. Со својата уста Го повикав Него, со јазикот Го фалев.
18. Ако мислев зло во срцето, Господ не би послушал.
19. Но Бог ме услиши: Обрна внимание на гласот на мојата молитва.
20. Благословен да е Бог, Кој не ми ја одби молитвата, Кој не ја отстрани од мене Својата милост.