Стар Завет

Нов Завет

Псалми 21:3-13 БИБЛИЈА (Свето Писмо): Стариот и Новиот Завет (MKB)

3. Зашто Ти го пресретна со благослови на добрината, врз главата му стави круна од чисто злато.

4. Тој Те молеше за живот, и Ти му даде премногу дни - за вечни векови.

5. Со Твојата помош, неговата слава е голема, го украси со чест и величество.

6. Зашто Ти го направи благословен довека, го развесели со радоста на Своето лице.

7. Навистина, царот се надева на Господа, и заради благоста на Сèвишниот нема да се колеба.

8. Твојата рака ќе ги најде сите Твои непријатели, Твојата десница ќе ги најде оние што Те мразат!

9. Ќе ги направиш како вжарена печка, во времето на Твојата лутина! Господ ќе ги сотре со гнев и огнот ќе ги голтне!

10. Ќе го сотреш нивниот плод од земјата и нивното потомство помеѓу човечките чеда.

11. Зашто, намислија зло против Тебе, подготвија заговор и не можеа да го исполнат.

12. Затоа Ти ќе ги натераш да го свртат грбот, и Својот лак ќе го насочиш кон нивното лице.

13. Стани, Господи, со Својата сила! Ние ќе пееме и ќе ја славиме Твојата сила.

Прочитајте целосна глава Псалми 21