13. Затоа, ако ја уживам Твојата благонаклонетост, покажи ми ги Своите патишта, за да Те сфатам и за да ја уживам и натаму Твојата благонаклоност. Исто така, помисли дека овие луѓе се Твој народ.”
14. „Јас лично ќе тргнам со тебе - одговори Господ - и ќе ти обезбедам одмор.”
15. „Ако не тргнеш Ти - додаде Мојсеј - и не изведувај нè оттука.
16. Па како ќе се знае дека ја уживаме Твојата наклоност, јас и Твојот народ? По тоа што идеш со нас. Само со тоа ќе се разликуваме јас и Твојот народ меѓу сите народи што се на лицето на земјата.”
17. „И ова што го побара, ќе направам - му одговори Господ на Мојсеја. - Па ти ја уживаш Мојата благонаклоност, зашто те познавам по име.”
18. „Покажи ми ја Својата слава,” замоли Мојсеј.