10. Ако се ожени со друга, не смее на првата да и ги крати: храната, облеката или нејзините брачни права.
11. Ако не и ги прави овие три работи, нека е слободна и нека отиде без откупнина.”
12. „Кој ќе удри човек па го усмрти, нека биде казнет со смрт.
13. Ама ако го направил тоа ненамерно, туку Бог пуштил да падне во неговата рака, ќе ти одредам место каде може да побегне.
14. Кој намерно ќе се нафрли врз својот ближен и го убие подмолно, одвлечи го и од мојот жртвеник, за да биде погубен.
15. Кој ќе ги удри својот татко или својата мајка, нека биде казнет со смрт.
16. Кој ќе грабне човек - било за да го продаде, било за да го задржи во своја власт - нека биде казнет со смрт.
17. Кој ќе ги проколне татка си или мајка си нека биде погубен.”
18. „Ако се степаат луѓе, па еден од нив го удри другиот со камен или со рака, ама овој не загине, туку падне во постела,
19. но после стане и може да излегува, макар и со стап, тогаш нека му биде простено на оној кој го удрил, само нека му го плати неговиот губиток на времето и му прибави целосно исцелување.