Стар Завет

Нов Завет

Исаија 40:14-21 БИБЛИЈА (Свето Писмо): Стариот и Новиот Завет (MKB)

14. Со кој се посоветува Тој, кој Му дал разум Нему, кој Го научил на патиштата на правдата? Кој Го научи на знаење, кој Му покажа пат кон мудроста?

15. Ете, народите се како капка од ведро, вредат колку прав на мерилката. Островите, ете, треперат во воздухот како ситно делче!

16. Ливан е мал за огнена клада, а неговите ѕверови нема достатно за паленица.

17. Сите народи се како ништо пред Него, за Него се ништо и празнина.

18. Со кого ќе Го уподобите Бога? И со каков лик ќе Го споредите?

19. Леачот лее кип, златарот го позлатува и одлева веришки од сребро.

20. Бедниот за принос бира дрво што не гние и бара вешт уметник за да му направи неподвижен кип.

21. Зар не знаете? Зар не сте чуле? Не ли ви е откриено од старини? Зар не сфативте кој ја основа земјата?

Прочитајте целосна глава Исаија 40