5. Господ го скрши злосторничкиот стап и владетелското жезло
6. што бесно ги биеше народите со удари без крај, што владееше гневно над народите, прогонувајќи ги без милост.
7. Во починка мирува сета земја воскликнувајќи од радост.
8. Чемпресите и ливанските кедри ќе се радуваат над тебе, велејќи: ‘Откако падна, дрвосечачите не доаѓаат веќе да нè сечат!’
9. Заради тебе се возбуди Подземјето за да те пречека кога ќе дојдеш. Во твоја чест, тоа ги разбудува сенките, сите земни насилници, тоа ги крева од престолите сите цареви на народите.
10. Сите тие ќе ти прозборуваат: ‘И ти си скршен како нас, стана сличен со нас.
11. Твојата гордост се сурна во Подземјето, и вревата на твоите харфи; под тебе е легло на гнилеж, а црвите се твоја покривка.’