Стар Завет

Нов Завет

Даниел 4:19-24 БИБЛИЈА (Свето Писмо): Стариот и Новиот Завет (MKB)

19. Тогаш Даниел, наречен Валтазар, во миг се смаја и се исплаши во своите мисли. Царот рече: „Валтазаре, не се збунувај од овој сон и од неговото значење!” Валтазар одговори: „Господару мој, овој сон нека им биде на твоите непријатели, и неговото значење на твоите мразители!

20. Дрвото што си го видел, големо е и силно кое стигнува сè до небото и се гледа по сета земја,

21. со убава круна и со изобилни плодови, на кои имаше храна за сите, и под кое се одморуваа полските ѕверови, а на неговите гранки се гнездеа небесните птици:

22. тоа си ти, о цару, кој си голем и силен, величината ти се зголемила и стигнала до небото, а твојата власт до краиштата на земјата.

23. А тоа што царот виде како Стражар, Светец, слегува од небото та зборува: ‘Пресечете го дрвото, раздробете го, но неговата пенушка и корењата оставете ги во земјата, во железни и бронзени окови, во полската трева нека го мие небесната роса и делот нека му биде со полските ѕверови додека не поминат седум времиња над него’ -

24. ова е значењето, о цару, одлуката на Сèвишниот што ќе се исполни врз мојот господар цар:

Прочитајте целосна глава Даниел 4