21. „Одделете се од заедницава за да ја сотрам веднаш!”
22. Тие паднаа ничкум и извикаа: „Боже! Господару на духовите на секое тело! Зар ќе се разгневиш на сета заедница, кога згрешил само еден!”
23. Тогаш Господ му рече на Мојсеја:
24. „Речи му на општеството: ‘Отстранете се од околината на живеалиштата на Кореј, Датан и Авирон!’”
25. Мојсеј стана и тргна кон Датан и Авирон. По него тргнаа Израелевите старешини.
26. И вака му проговори на општеството: „Отстапете од шаторите на тие нечесни луѓе! Не допирајте се до ништо што е нивно, за да не бидете уништени заради нивните гревови.”