22. А кога излезе, не можеше да им зборува и тие разбраа дека видел видение во Храмот. И тој им даваше знаци и остана нем.
23. И кога се свршија деновите на неговата служба, се врати во својот дом.
24. А по тие дни, неговата жена Елисавета зачна и се криеше пет месеци и велеше:
25. ”Ова ми стори Господ во деновите кога погледна на мене, за да го отстрани мојот срам меѓу луѓето.”
26. А во шестиот месец, Бог го испрати ангелот Гавриел во галилејскиот град, по име Назарет,
27. при девица свршена за маж, по име Јосиф, од Давидовиот дом. А името на девицата беше Марија.
28. И кога ангелот дојде при неа и рече: „Радувај се благодатна! Господ е со тебе, благословена си ти меѓу жените!”
29. Таа се уплаши од тој збор и размислуваше: каков поздрав ќе биде тоа?
30. Тогаш ангелот и рече: „Не бој се Марија, зашто си нашла милост пред Бога.