9. Симон Петар Му рече: „Господи, измиј ми ги не само нозете, туку и рацете и главата.”
10. Исус му рече: „На измиениот треба да му се измијат само нозете, зашто е целиот чист; и вие сте чисти, но не сите.”
11. Зашто знаеше кој ќе Го предаде, затоа и рече: „Не сите сте чисти!”
12. А кога им ги изми нозете, ја зеде својата горна облека и пак седна на трпезата и им рече: „Разбравте ли, што ви сторив?
13. Вие Ме викате Мене Учител и Господ, и право велите, зашто тоа Сум.
14. И така, ако Јас, Господ и Учител, ви ги измив нозете, и вие сте должни да ги миете нозете еден на друг;
15. зашто ви дадов пример и вие да правите онака, како што ви направив Јас.
16. Вистина, вистина ви велам: слугата не е поголем од својот господар, ниту пратеникот е поголем од оној, кој го пратил.