29. Ny lalan'ny lainga no esory amiko: Ary ny lalànao no anasoavy ahy.
30. Ny lalàn'ny fahamarinanao no fidiko; Apetrako eo anatrehako ny fitsipikao.
31. Mifikitra amin'ny teni-vavolombelonao aho; Jehovah ô, aza avela ho azon-kenatra aho;
32. Ny lalan'ny didinao no ihazakazahako, Fa ampahalalahinao ny foko.
33. Jehovah ô, toroy ny lalan'ny didinao aho; Dia hotandremako hatramin'ny farany izany.
34. Omeo fahalalana aho mba hitandrina ny lalànao; Eny, hitandrina azy amin'ny foko rehetra aho.
35. Ampandehano amin'ny lalan'ny didinao aho; Fa izany no sitrako.
36. Amporisiho ny foko ho amin'ny teni-vavolombelonao, Fa tsy ho amin'ny fieremana.
37. Avilio ny masoko tsy hijery zava-poana; Velomy amin'ny lalanao aho.
38. Tovy ny teninao amin'ny mpanomponao, Izay matahotra Anao indrindra.
39. Esory ny fahafaham-baraka. izay atahorako; Fa tsara ny fitsipikao.
40. Indro, manina ny didinao aho, Velomy amin'ny fahamarinanao.
41. Aoka ho tonga amiko ny famindram-ponao, Jehovah ô, Dia ny famonjenao, araka ny teninao.
42. Dia hamaly izay miteny ratsy ahy aho, Satria matoky ny teninao.
43. Ary aza dia esorina amin'ny vavako ny teny marina; Fa miandry ny fitsaranao aho.
44. Dia hitandrina ny lalinao mandrakariva aho, Dia mandrakizay doria.