1. Ary Jehovah niteny tamin'i Mosesy, ka nanao hoe:
2. Maniraha lehilahy vitsivitsy hisafo ny tany Kanana, izay omeko ho an'ny Zanak'Isiraely; dia lehilahy iray avy isam-pirazanany no hirahinareo, ka izay samy lohan'ny fireneny avy.
3. Ary Mosesy dia naniraka azy hiala any an-efitra Parana, araka ny didin'i Jehovah; ary samy lohan'ny firenen'ny Zanak'Isiraely ireo lehilahy rehetra ireo.
4. Ary izao no anarany: Avy tamin'ny firenen'i Robena dia Samoa, zanak'i Zakora;
5. avy tamin'ny firenen'i Simeona dia Safata, zanak'i Hory;
6. avy tamin'ny firenen'i Joda dia Kaleba, zanak'i Jefone;