1. Ary Jehovah niteny tamin'i Mosesy ka nanao hoe:
2. Indro, efa notononiko anarana Bezalila, zanak'i Ory, zanak'i Hora, avy amin'ny firenen'i Joda;
3. ary efa nofenoiko fanahin'Andriamanitra izy, dia fahendrena sy fahiratan-tsaina sy fahalalana ny amin'ny tao-zavatra samy hafa:
4. dia ny hihevitra hanao asa kanto, ny hiasa volamena sy volafotsy ary varahina
5. sy ny hamboatra vato halatsaka an-tranontranony ary ny handrafitra hazo, mba hanaovany ny tao-zavatra samy hafa.