Vetus Testamentum

Novum Testamentum

Sophoniae 3:15-20 Vulgata Latina (VULG)

15.  Abstulit Dominus judicium tuum ;avertit inimicos tuos.Rex Israël Dominus in medio tui :non timebis malum ultra.

16.  In die illa dicetur Jerusalem :Noli timere ; Sion : Non dissolvantur manus tuæ.

17.  Dominus Deus tuus in medio tui fortis, ipse salvabit :gaudebit super te in lætitia,silebit in dilectione sua,exsultabit super te in laude.

18.  Nugas, qui a lege recesserant,congregabo, quia ex te erant :ut non ultra habeas super eis opprobrium.

19.  Ecce ego interficiam omnes qui afflixerunt te in tempore illo :et salvabo claudicantem,et eam quæ ejecta fuerat congregabo :et ponam eos in laudem, et in nomen,in omni terra confusionis eorum,

20.  in tempore illo quo adducam vos,et in tempore quo congregabo vos.Dabo enim vos in nomen,et in laudem omnibus populis terræ,cum convertero captivitatem vestram coram oculis vestris,dicit Dominus.

Read complete chapter Sophoniae 3