18. Accipiet armaturam zelus illius,et armabit creaturam ad ultionem inimicorum.
19. Induet pro thorace justitiam,et accipiet pro galea judicium certum ;
20. sumet scutum inexpugnabile æquitatem.
21. Acuet autem duram iram in lanceam,et pugnabit cum illo orbis terrarum contra insensatos.
22. Ibunt directe emissiones fulgurum,et tamquam a bene curvato arcu nubium exterminabuntur,et ad certum locum insilient.
23. Et a petrosa ira plenæ mittentur grandines ;excandescet in illos aqua maris,et flumina concurrent duriter.
24. Contra illos stabit spiritus virtutis,et tamquam turbo venti dividet illos ;et ad eremum perducet omnem terram iniquitas illorum,et malignitas evertet sedes potentium.