1. O quam bonus et suavis est, Domine, spiritus tuus in omnibus !
2. Ideoque eos qui exerrant partibus corripis,et de quibus peccant admones et alloqueris,ut relicta malitia credant in te, Domine.
3. Illos enim antiquos inhabitatores terræ sanctæ tuæ,quos exhorruisti,
4. quoniam odibilia opera tibi faciebantper medicamina et sacrificia injusta,
5. et filiorum suorum necatores sine misericordia,et comestores viscerum hominum,et devoratores sanguinis a medio sacramento tuo,
6. et auctores parentes animarum inauxiliatarum,perdere voluisti per manus parentum nostrorum :
7. ut dignam perciperent peregrinationem puerorum Dei,quæ tibi omnium carior est terra.