1. Hæc illum qui primus formatus est a Deo patre orbis terrarum,cum solus esset creatus, custodivit,
2. et eduxit illum a delicto suo,et dedit illi virtutem continendi omnia.
3. Ab hac ut recessit injustus in ira sua,per iram homicidii fraterni deperiit.
4. Propter quem cum aqua deleret terram, sanavit iterum sapientia,per contemptibile lignum justum gubernans.
5. Hæc et in consensu nequitiæ, cum se nationes contulissent,scivit justum, et conservavit sine querela Deo,et in filii misericordia fortem custodivit.