1. In finem. Psalmus ipsi David.
2. Exspectans exspectavi Dominum,et intendit mihi.
3. Et exaudivit preces meas,et eduxit me de lacu miseriæ et de luto fæcis.Et statuit super petram pedes meos,et direxit gressus meos.
4. Et immisit in os meum canticum novum,carmen Deo nostro.Videbunt multi, et timebunt,et sperabunt in Domino.
5. Beatus vir cujus est nomen Domini spes ejus,et non respexit in vanitates et insanias falsas.