2. Dicant qui redempti sunt a Domino,quos redemit de manu inimici,et de regionibus congregavit eos,
3. a solis ortu, et occasu, ab aquilone, et mari.
4. Erraverunt in solitudine, in inaquoso ;viam civitatis habitaculi non invenerunt.
5. Esurientes et sitientes,anima eorum in ipsis defecit.
6. Et clamaverunt ad Dominum cum tribularentur,et de necessitatibus eorum eripuit eos ;
7. et deduxit eos in viam rectam,ut irent in civitatem habitationis.