19. Et clamaverunt ad Dominum cum tribularentur,et de necessitatibus eorum liberavit eos.
20. Misit verbum suum, et sanavit eos,et eripuit eos de interitionibus eorum.
21. Confiteantur Domino misericordiæ ejus,et mirabilia ejus filiis hominum.
22. Et sacrificent sacrificium laudis,et annuntient opera ejus in exsultatione.
23. Qui descendunt mare in navibus,facientes operationem in aquis multis :
24. ipsi viderunt opera Domini,et mirabilia ejus in profundo.
25. Dixit, et stetit spiritus procellæ,et exaltati sunt fluctus ejus.
26. Ascendunt usque ad cælos, et descendunt usque ad abyssos ;anima eorum in malis tabescebat.
27. Turbati sunt, et moti sunt sicut ebrius,et omnis sapientia eorum devorata est.
28. Et clamaverunt ad Dominum cum tribularentur ;et de necessitatibus eorum eduxit eos.
29. Et statuit procellam ejus in auram,et siluerunt fluctus ejus.