23. Qui corripit hominem gratiam postea inveniet apud eum,magis quam ille qui per linguæ blandimenta decipit.
24. Qui subtrahit aliquid a patre suo et a matre,et dicit hoc non esse peccatum,particeps homicidæ est.
25. Qui se jactat et dilatat, jurgia concitat ;qui vero sperat in Domino sanabitur.
26. Qui confidit in corde suo stultus est ;qui autem graditur sapienter, ipse salvabitur.
27. Qui dat pauperi non indigebit ;qui despicit deprecantem sustinebit penuriam.
28. Cum surrexerint impii, abscondentur homines ;cum illi perierint, multiplicabuntur justi.