16. Dux indigens prudentia multos opprimet per calumniam ;qui autem odit avaritiam, longi fient dies ejus.
17. Hominem qui calumniatur animæ sanguinem,si usque ad lacum fugerit, nemo sustinet.
18. Qui ambulat simpliciter salvus erit ;qui perversis graditur viis concidet semel.
19. Qui operatur terram suam satiabitur panibus ;qui autem sectatur otium replebitur egestate.
20. Vir fidelis multum laudabitur ;qui autem festinat ditari non erit innocens.
21. Qui cognoscit in judicio faciem non bene facit ;iste et pro buccella panis deserit veritatem.
22. Vir qui festinat ditari, et aliis invidet,ignorat quod egestas superveniet ei.
23. Qui corripit hominem gratiam postea inveniet apud eum,magis quam ille qui per linguæ blandimenta decipit.