23. Timor Domini ad vitam,et in plenitudine commorabitur absque visitatione pessima.
24. Abscondit piger manum suam sub ascella,nec ad os suum applicat eam.
25. Pestilente flagellato stultus sapientior erit ;si autem corripueris sapientem, intelliget disciplinam.
26. Qui affligit patrem, et fugat matrem,ignominiosus est et infelix.
27. Non cesses, fili, audire doctrinam,nec ignores sermones scientiæ.
28. Testis iniquus deridet judicium,et os impiorum devorat iniquitatem.
29. Parata sunt derisoribus judicia,et mallei percutientes stultorum corporibus.