24. Ecce populus ut leæna consurget,et quasi leo erigetur :non accubabit donec devoret prædam,et occisorum sanguinem bibat.
25. Dixitque Balac ad Balaam : Nec maledicas ei, nec benedicas.
26. Et ille ait : Nonne dixi tibi quod quidquid mihi Deus imperaret, hoc facerem ?
27. Et ait Balac ad eum : Veni, et ducam te ad alium locum : si forte placeat Deo ut inde maledicas eis.
28. Cumque duxisset eum super verticem montis Phogor, qui respicit solitudinem,
29. dixit ei Balaam : Ædifica mihi hic septem aras, et para totidem vitulos, ejusdemque numeri arietes.
30. Fecit Balac ut Balaam dixerat : imposuitque vitulos et arietes per singulas aras.