11. et ad omnem mortuum non ingredietur omnino : super patre quoque suo et matre non contaminabitur.
12. Nec egredietur de sanctis, ne polluat sanctuarium Domini, quia oleum sanctæ unctionis Dei sui super eum est. Ego Dominus.
13. Virginem ducet uxorem :
14. viduam autem et repudiatam, et sordidam, atque meretricem non accipiet, sed puellam de populo suo :
15. ne commisceat stirpem generis sui vulgo gentis suæ : quia ego Dominus, qui sanctifico eum.
16. Locutusque est Dominus ad Moysen, dicens :
17. Loquere ad Aaron : Homo de semine tuo per familias qui habuerit maculam, non offeret panes Deo suo,