27. Neque in rotundum attondebitis comam, nec radetis barbam.
28. Et super mortuo non incidetis carnem vestram, neque figuras aliquas aut stigmata facietis vobis. Ego Dominus.
29. Ne prostituas filiam tuam, ne contaminetur terra et impleatur piaculo.
30. Sabbata mea custodite, et sanctuarium meum metuite. Ego Dominus.
31. Non declinetis ad magos, nec ab ariolis aliquid sciscitemini, ut polluamini per eos. Ego Dominus Deus vester.