9. Hæc itaque cum audisset quoniam Ozias promisisset quod transacto quinto die traderet civitatem, misit ad presbyteros Chabri et Charmi.
10. Et venerunt ad illam, et dixit illis : Quod est hoc verbum, in quo consensit Ozias, ut tradat civitatem Assyriis si intra quinque dies non venerit vobis adjutorium ?
11. et qui estis vos, qui tentatis Dominum ?
12. non est iste sermo qui misericordiam provocet, sed potius qui iram excitet, et furorem accendat.
13. Posuistis vos tempus miserationis Domini, et in arbitrium vestrum, diem constituistis ei.