1. Et locutus est Dominus ad Josue, dicens : Loquere filiis Israël, et dic eis :
2. Separate urbes fugitivorum, de quibus locutus sum ad vos per manum Moysi :
3. ut confugiat ad eas quicumque animam percusserit nescius, et possit evadere iram proximi, qui ultor est sanguinis :
4. cum ad unam harum confugerit civitatum, stabit ante portam civitatis, et loquetur senioribus urbis illius ea quæ se comprobent innocentem : sicque suscipient eum, et dabunt ei locum ad habitandum.