15. Reversusque est Josue cum omni Israël in castra Galgalæ.
16. Fugerant enim quinque reges et se absconderant in spelunca urbis Maceda.
17. Nuntiatumque est Josue quod inventi essent quinque reges latentes in spelunca urbis Maceda.
18. Qui præcepit sociis, et ait : Volvite saxa ingentia ad os speluncæ, et ponite viros industrios, qui clausos custodiant :
19. vos autem nolite stare, sed persequimini hostes, et extremos quosque fugientium cædite : nec dimittatis eos urbium suarum intrare præsidia, quos tradidit Dominus Deus in manus vestras.