1. Verbum Domini, quod factum est ad Joël, filium Phatuel.
2. Audite hoc, senes,et auribus percipite, omnes habitatores terræ :si factum est istud in diebus vestris,aut in diebus patrum vestrorum ?
3. Super hoc filiis vestris narrate,et filii vestri filiis suis,et filii eorum generationi alteræ.
4. Residuum erucæ comedit locusta,et residuum locustæ comedit bruchus,et residuum bruchi comedit rubigo.