23. Sagittam et scutum arripiet :crudelis est et non miserebitur.Vox ejus quasi mare sonabit :et super equos ascendent,præparati quasi vir ad præliumadversum te, filia Sion.
24. Audivimus famam ejus ;dissolutæ sunt manus nostræ :tribulatio apprehendit nos,dolores ut parturientem.
25. Nolite exire ad agros,et in via ne ambuletis,quoniam gladius inimici,pavor in circuitu.
26. Filia populi mei, accingere cilicio,et conspergere cinere :luctum unigeniti fac tibi,planctum amarum,quia repente veniet vastator super nos.
27. Probatorem dedi te in populo meo robustum :et scies, et probabis viam eorum.
28. Omnes isti principes declinantes,ambulantes fraudulenter,æs et ferrum :universi corrupti sunt.
29. Defecit sufflatorium ;in igne consumptum est plumbum :frustra conflavit conflator,malitiæ enim eorum non sunt consumptæ.
30. Argentum reprobum vocate eos,quia Dominus projecit illos.