5. Et adjecit Dominus loqui ad me adhuc, dicens :
6. Pro eo quod abjecit populus isteaquas Siloë, quæ vadunt cum silentio,et assumpsit magis Rasin,et filium Romeliæ :
7. propter hoc ecce Dominus adducet super eosaquas fluminis fortes et multas,regem Assyriorum, et omnem gloriam ejus,et ascendet super omnes rivos ejus,et fluet super universas ripas ejus ;
8. et ibit per Judam, inundans, et transiens :usque ad collum veniet.Et erit extensio alarum ejusimplens latitudinem terræ tuæ, o Emmanuel !