24. Propter hoc, hæc dicit Dominus Deus exercituum :Noli timere, populus meus,habitator Sion, ab Assur :in virga percutiet te,et baculum suum levabit super te,in via Ægypti.
25. Adhuc enim paululum modicumque,et consummabitur indignatioet furor meus super scelus eorum.
26. Et suscitabit super eum Dominus exercituum flagellum,juxta plagam Madian in petra Oreb :et virgam suam super mare,et levabit eam in via Ægypti.
27. Et erit in die illa :auferetur onus ejus de humero tuoet jugum ejus de collo tuo,et computrescet jugum a facie olei.
28. Veniet in Ajath, transibit in Magron,apud Machmas commendabit vasa sua.