1. Visitavit autem Dominus Saram, sicut promiserat : et implevit quæ locutus est.
2. Concepitque et peperit filium in senectute sua, tempore quo prædixerat ei Deus.
3. Vocavitque Abraham nomen filii sui, quem genuit ei Sara, Isaac :
4. et circumcidit eum octavo die, sicut præceperat ei Deus,
5. cum centum esset annorum : hac quippe ætate patris, natus est Isaac.
6. Dixitque Sara : Risum fecit mihi Deus : quicumque audierit, corridebit mihi.