Vetus Testamentum

Novum Testamentum

Ecclesiasticus 6:13-23 Vulgata Latina (VULG)

13.  Ab inimicis tuis separare,et ab amicis tuis attende.

14.  Amicus fidelis protectio fortis :qui autem invenit illum, invenit thesaurum.

15.  Amico fideli nulla est comparatio,et non est digna ponderatio auri et argenti contra bonitatem fidei illius.

16.  Amicus fidelis medicamentum vitæ et immortalitatis :et qui metuunt Dominum, invenient illum.

17.  Qui timet Deum æque habebit amicitiam bonam,quoniam secundum illum erit amicus illius.

18.  Fili, a juventute tua excipe doctrinam,et usque ad canos invenies sapientiam.

19.  Quasi is qui arat et seminat accede ad eam,et sustine bonos fructus illius.

20.  In opere enim ipsius exiguum laborabis,et cito edes de generationibus illius.

21.  Quam aspera est nimium sapientia indoctis hominibus !et non permanebit in illa excors.

22.  Quasi lapidis virtus probatio erit in illis :et non demorabuntur projicere illam.

23.  Sapientia enim doctrinæ secundum nomen est ejus,et non est multis manifestata :quibus autem cognita est,permanet usque ad conspectum Dei.

Read complete chapter Ecclesiasticus 6