Vetus Testamentum

Novum Testamentum

Ecclesiasticus 4:1-10 Vulgata Latina (VULG)

1.  Fili, eleemosynam pauperis ne defraudes,et oculos tuos ne transvertas a paupere.

2.  Animam esurientem ne despexeris,et non exasperes pauperem in inopia sua.

3.  Cor inopis ne afflixeris,et non protrahas datum angustianti.

4.  Rogationem contribulati ne abjicias,et non avertas faciem tuam ab egeno.

5.  Ab inope ne avertas oculos tuos propter iram :et non relinquas quærentibus tibi retro maledicere.

6.  Maledicentis enim tibi in amaritudine animæ,exaudietur deprecatio illius :exaudiet autem eum qui fecit illum.

7.  Congregationi pauperum affabilem te facito :et presbytero humilia animam tuam,et magnato humilia caput tuum.

8.  Declina pauperi sine tristitia aurem tuam,et redde debitum tuum,et responde illi pacifica in mansuetudine.

9.  Libera eum qui injuriam patitur de manu superbi,et non acide feras in anima tua.

10.  In judicando esto pupillis misericors ut pater,et pro viro matri illorum :

Read complete chapter Ecclesiasticus 4