27. Cor durum habebit male in novissimo,et qui amat periculum in illo peribit.
28. Cor ingrediens duas vias non habebit successus,et pravus corde in illis scandalizabitur.
29. Cor nequam gravabitur in doloribus,et peccator adjiciet ad peccandum.
30. Synagogæ superborum non erit sanitas,frutex enim peccati radicabitur in illis, et non intelligetur.
31. Cor sapientis intelligitur in sapientia,et auris bona audiet cum omni concupiscentia sapientiam.
32. Sapiens cor et intelligibile abstinebit se a peccatis,et in operibus justitiæ successus habebit.
33. Ignem ardentem exstinguit aqua,et eleemosyna resistit peccatis :
34. et Deus prospector est ejus qui reddit gratiam :meminit ejus in posterum,et in tempore casus sui inveniet firmamentum.