12. Homo sanctus in sapientia manet sicut sol :nam stultus sicut luna mutatur.
13. In medio insensatorum serva verbum tempori :in medio autem cogitantium assiduus esto.
14. Narratio peccantium odiosa,et risus illorum in deliciis peccati.
15. Loquela multum jurans horripilationem capiti statuet,et irreverentia ipsius obturatio aurium.
16. Effusio sanguinis in rixa superborum,et maledictio illorum auditus gravis.
17. Qui denudat arcana amici fidem perdit,et non inveniet amicum ad animum suum.