21. Sicut sol oriens mundo in altissimis Dei,sic mulieris bonæ species in ornamentum domus ejus.
22. Lucerna splendens super candelabrum sanctum,et species faciei super ætatem stabilem.
23. Columnæ aureæ super bases argenteas,et pedes firmi super plantas stabilis mulieris.
24. Fundamenta æterna supra petram solidam,et mandata Dei in corde mulieris sanctæ.
25. In duobus contristatum est cor meum,et in tertio iracundia mihi advenit :
26. vir bellator deficiens per inopiam ;et vir sensatus contemptus ;
27. et qui transgreditur a justitia ad peccatum :Deus paravit eum ad rhomphæam.
28. Duæ species difficiles et periculosæ mihi apparuerunt :difficile exuitur negotians a negligentia,et non justificabitur caupo a peccatis labiorum.