6. Deprecatio pauperis ex ore usque ad aures ejus perveniet,et judicium festinato adveniet illi.
7. Qui odit correptionem vestigium est peccatoris,et qui timet Deum convertetur ad cor suum.
8. Notus a longe potens lingua audaci,et sensatus scit labi se ab ipso.
9. Qui ædificat domum suam impendiis alienis,quasi qui colligat lapides suos in hieme.
10. Stupa collecta synagoga peccantium,et consummatio illorum flamma ignis.
11. Via peccatorum complanata lapidibus :et in fine illorum inferi, et tenebræ, et pœnæ.