12. Et ingemiscens spiritu, ait : Quid generatio ista signum quærit ? Amen dico vobis, si dabitur generationi isti signum.
13. Et dimittens eos, ascendit iterum navim et abiit trans fretum.
14. Et obliti sunt panes sumere : et nisi unum panem non habebant secum in navi.
15. Et præcipiebat eis, dicens : Videte, et cavete a fermento pharisæorum, et fermento Herodis.
16. Et cogitabant ad alterutrum, dicentes : quia panes non habemus.
17. Quo cognito, ait illis Jesus : Quid cogitatis, quia panes non habetis ? nondum cognoscetis nec intelligitis ? adhuc cæcatum habetis cor vestrum ?
18. oculos habentes non videtis ? et aures habentes non auditis ? nec recordamini,
19. quando quinque panes fregi in quinque millia : quot cophinos fragmentorum plenos sustulistis ? Dicunt ei : Duodecim.