5. Cum autem vidisset Jesus fidem illorum, ait paralytico : Fili, dimittuntur tibi peccata tua.
6. Erant autem illic quidam de scribis sedentes, et cogitantes in cordibus suis :
7. Quid hic sic loquitur ? blasphemat. Quis potest dimittere peccata, nisi solus Deus ?
8. Quo statim cognito Jesus spiritu suo, quia sic cogitarent intra se, dicit illis : Quid ista cogitatis in cordibus vestris ?