13. Et consummata omni tentatione, diabolus recessit ab illo, usque ad tempus.
14. Et regressus est Jesus in virtute Spiritus in Galilæam, et fama exiit per universam regionem de illo.
15. Et ipse docebat in synagogis eorum, et magnificabatur ab omnibus.
16. Et venit Nazareth, ubi erat nutritus, et intravit secundum consuetudinem suam die sabbati in synagogam, et surrexit legere.