1. Tu autem loquere quæ decent sanam doctrinam :
2. senes ut sobrii sint, pudici, prudentes, sani in fide, in dilectione, in patientia :
3. anus similiter in habitu sancto, non criminatrices, non multo vino servientes, bene docentes :
4. ut prudentiam doceant adolescentulas, ut viros suos ament, filios suos diligant,
5. prudentes, castas, sobrias, domus curam habentes, benignas, subditas viris suis, ut non blasphemetur verbum Dei.
6. Juvenes similiter hortare ut sobrii sint.