1. Quid ergo dicemus ? permanebimus in peccato ut gratia abundet ?
2. Absit. Qui enim mortui sumus peccato, quomodo adhuc vivemus in illo ?
3. an ignoratis quia quicumque baptizati sumus in Christo Jesu, in morte ipsius baptizati sumus ?
4. Consepulti enim sumus cum illo per baptismum in mortem : ut quomodo Christus surrexit a mortuis per gloriam Patris, ita et nos in novitate vitæ ambulemus.
5. Si enim complantati facti sumus similitudini mortis ejus : simul et resurrectionis erimus.