7. sed semetipsum exinanivit, formam servi accipiens, in similitudinem hominum factus, et habitu inventus ut homo.
8. Humiliavit semetipsum factus obediens usque ad mortem, mortem autem crucis.
9. Propter quod et Deus exaltavit illum, et donavit illi nomen, quod est super omne nomen :
10. ut in nomine Jesu omne genu flectatur cælestium, terrestrium et infernorum,
11. et omnis lingua confiteatur, quia Dominus Jesus Christus in gloria est Dei Patris.
12. Itaque carissimi mei (sicut semper obedistis), non ut in præsentia mei tantum, sed multo magis nunc in absentia mea, cum metu et tremore vestram salutem operamini.