45. Quod et induxerunt, suscipientes patres nostri cum Jesu in possessionem gentium quas expulit Deus a facie patrum nostrorum, usque in diebus David,
46. qui invenit gratiam ante Deum, et petiit ut inveniret tabernaculum Deo Jacob.
47. Salomon autem ædificavit illi domum.
48. Sed non Excelsus in manufactis habitat, sicut propheta dicit :
49. Cælum mihi sedes est :terra autem scabellum pedum meorum.Quam domum ædificabitis mihi ? dicit Dominus :aut quis locus requietionis meæ est ?
50. Nonne manus mea fecit hæc omnia ?